Notizie

Face a sa cunferentzia aberta: una Open Conference pro Sardegna Possibile

Categories: Archivio notizie

Sardegna Possibile at tentu 78.000 votos in is ùrtimas eletziones sardas, chi nosi ant intregadu su mandadu de cambiare sa polìtica in Sardìnnia. Seus una Comunidade polìtica inue esistent partes organizadas, e coalizadas, ma inue esistent supratotu is tzitadinos, is ativistas, sas comunidades e is retzas de Sardas e Sardos chi bivent in Sardìnnia, ma in su Disterru sardu ebbia.

Pro custu, su passu chi benit de sa Comunidade polìtica nostra at a èssere sù de criare frailes permanentes, laboratòrios de atividade e de proposta, chi nde fatzant sa tramma e su stàmine de sa comunidade nostra. Pro custu giamaus a is tzitadinos, a is ativistas a brincare e a apariciare issos etotu custos Frailes de SP.

No chircaus a acotzados, portabursas, pitzinni d’andera, comares e amighixeddos. Chircaus gente sèria e chi chèrgiat traballare a sa sèria. Duncas, su passu chi sighit at a èssere sa Conferèntzia Aberta nostra! Seus acanta a difùndere unu Bandu a totus is tzitadinos e ativistas interessados a nde bogare a pìgiu una proposta chi lompat a sa formatzione de unu Fraile. Cando eus a retzire custas propostas, nosi eus a agatare in pare pro ddas trasformare in Grupos de traballu beros.

Dae sa Conferèntzia Aberta nostra no si nd’eus a essire pro torrare donniunu a domo sua, ma pro fraigare in paris sa Sardìnnia possìbile chi seus totus bisende.

Facebook

Lascia un commento

This site uses Akismet to reduce spam. Learn how your comment data is processed.